مع جيمب ... اللي يسأل مايتوهش

هذا هو أول عمل مكتمل لي في جيمب.. هو أول عمل فني مكتمل علي الإطلاق، ليس الأمر بهذه الصعوبة التي كنت أظنها، كل ما فعلته هو رسم الشخصية علي ورقة بيضاء، ثم قمت بالتقاط صورة لها بكاميرا هاتفي المحمول (لا أملك ماسحا ضوئيا)، وأعدت رسم الشخصية في جيمب مستعينا بالصورة التي التقطتها.

فيديوهات الشرح من meet the gimp ويوتيوب ساعدتني كثيرا علي تعلم البرنامج، استغرق التعلم حوالي

أمسية شعرية

بالرغم من تذوقي للشعر وإعجابي بالكثير من الأبيات، إلا أني -إلا فيما ندر- لا أطيق قراءة أكثر من صفحة متصلة من الشعر، خاصة الشعر الحر الغير مقفي.

أعتقد أنه يمكن لأي شخص عادي كتابة الشعر الحر، فقط كل ما عليك هو أن تدون أفكارك بشكل نثري، ثم قم ببعثرة الكلمات عبر السطور، ليحوي كل سطر كلمتين أو ثلاث، مع القليل من علامات التنصيص (خاصة النقاط)، وحبذا لو أضفت بعضا من عناصر الطبيعة (الشمس والبحر..الخ)

فلنقل أني أريد الكتابة عن "شارع فيصل" مثلا، ستكون النتيجة:

خواطر مفتوحة

هذه الأيام تسيطر علي بعض من الأفكار لم أستطع دفعها لإنجاز أعمالي المتأخرة:

1- أنا في حالة غرام تام بـ جنو/لينوكس، أحاول استكشاف هذا العالم الجديد، أسعي إلي التوغل فيه بشكل أعمق من المرات السابقة.

2- مقال أثر في كثيرا عن تعرض اللغة العربية للانقراض، المقال يحوي أدلة منطقية ولا تغلب عليه العاطفة كما هي العادة في أغلب ما يكتب في هذا الصدد. اقرأ المقال>>

شاهد هذا الإعلان من شركة IBM، هو أفضل فيديو دعائي شاهدته عن لينوكس علي الإطلاق:

أوبونتو من جديد

باقي من الزمن 6 أيام علي طرح النسخة الرسمية من أوبونتو، يارب يكونوا صلحوا مشكلة النت واللي خليتني أشيله من علي جهازي للأبد.

بانتظار الإصدار الجديد بفارغ الصبر، ودي هاتبقي تقريبا المرة العاشرة اللي أسطب فيها اللينكس بعد ماكون قررت عدم العودة إليه نهائيا، أعمل ايه..... بحبه.

الغروب في وادي دجلة

يوم الجمعة 17 اكتوبر2008: رحلة سريعة لوادي دجلة أول رحلة بتنظيم مجموعة رحالة علي الفيس بوك

أنا حطيت الصورة دي عشان ماحدش يفتكر إني انطوائي وبكره الناس ولا حاجة لا سمح الله
مع إن الواحد برستيجه ضاع في الصورة دي خالص
(حقوق النشر محفوظة لـ حسام مختار مؤسس جروب "رحالة")

علي باب الحمام.. الرأي.. والرأي الآخر

الجامع الأزهر

يوم الخميس اللي فات، كنت في انتظار أحد أصدقائي داخل الجامع الأزهر في القاهرة، صديقي ده اتأخر عن ميعاده بساعة تقريبا، بس أنا ماكنتش متضايق قوي لأكتر من سبب: الأول، هو إن أنا كنت بالفعل جاي متأخر عن الميعاد بس حظي إني وصلت قبله ، والثاني، هو إن القعدة جوة الجامع ممتعة لأبعد حد، جو الجامع من جوة تحفة: العمارة الإسلامية الرائعة، صحن* الجامع الواسع اللي الهوا فيه يرد الروح ، منظر الأطفال الصغيرة وهم بيجروا ورا بعض علي الأرضية الرخام البيضاء.

المهم، صاحبكم كان مزنوق، قلت أدخل الحمام، وجوة لقيت المنظر الظريف ده:

أول برنامج ليا

أول برنامج أعمله في حياتي من الأول للآخر لوحدي بفيجوال بيسيك 6 ، الصراحة البرنامج علي صغره تمكن من إشباع رغباتي الجامحة في البرمجة، أنا كنت خلاص، هابرمج علي روحي.

البرنامج صغنطوط بس مفيد في الشغل بتاعنا، وحاز علي إعجاب زملائي في الشركة.

جُنينة الحيوانات

أول امبارح اضطريت أغيب من الشغل عشان أخلص شوية ورق ليا في التأمينات، رحت بعدها علي الجامعة للاستفسار عن بعض الدورات التدريبية، واللي مايعرفش، حرم كلية هندسة القاهرة ملاصق لجنينة الحيوانات، أنا فاكر أيام الدراسة كنا أول من يعلم بإضافة "السباغ" لأراضي الجنينة.

فيه كده أوقات ذهبية لازم نقتنصها لأنها مش بتتكرر كتير، زي الشتاء عشان تسافر اسكندرية، وموسم الامتحانات عشان تتمشي في وسط البلد، و "رمضان" عشان... تتفسح في جنينة الحيوانات. عشان كده

يوم ويكيبيديا العربي

بدأت أمس فعاليات يوم ويكيبيديا العربية الرابع

الهدف من يوم ويكيبيديا العربية هو زيادة وتنمية عدد المقالات المكتوبة في النسخة العربية من موسوعة ويكيبيديا، وبالتالي كان المستهدف من اليوم هو كل من يستطيع الكتابة باللغة العربية في جميع أنحاء العالم، إلا أن المتابع لأحداث اليوم يلاحظ

من الأسكندرية ... لايف

من مكتبة الأسكندرية أكتب هذه المقالة:

البداية

الرحلة بدأت بدعوة عملها جروب علي الفيس بوك لمحبي موسوعة الويكيبيديا، علي اساس نعمل ورشة عمل لنشر فكرة الويكي وتعليم طريقة التحرير، مكان الورشة كان في كلية الهندسة - جامعة الأسكندرية، رحت متأخر عن الميعاد ساعة تقريبا، ومتوقع هلاقي الناس اتجمعت وبدأت.

التنظيم كان أسوأ ما يكون: الدعوة كانت قبل الحدث بأقل من 24 ساعة، مفيش وسيلة اتصال غير الإيميل، مفيش تنسيق مع الأمن علي البوابة، مفيش أي علامات إرشادية موجودة في مكان الحدث ،ومسك الختام، الراجل اللي كان معاه لابتوب يشرح عليه لم يحضر، وبالتالي مفيش Event من أساسه.

في كلية الهندسة - جامعة الأسكندرية بعد ما أخدت المقلب التمام

في الأسكندرية

كنت طول الطريق عمال أفكر في اسكندرية وصورتها في دماغي، الترام أبو دورين، التاكسي الأصفر في أسود، البحر، الفريسكا، مكتبة الأسكندرية، كوبري ستانلي. وكنت بسخر من تفكيري الساذج والصورة النمطية اللي في دماغي عن المكان، وبقول لنفسي

بقيت من ذوي اللابتوبات

يوم الخميس اللي فات اشتريت لابتوب، وعملا بالمثل "علي قد لحافك مد رجليك" اشتريت موديل acer extensa 5220 اللي يعتبر أرخص -وأحقر- جهاز موجود في السوق حاليا.

السعر 2850 جنيه وعليه هدية اشتراك نت بما يعادل

وادي دجلة 2

الجمعة اللي فاتت دي، 11 يوليو 2008 برضه رحت وادي دجلة، مفيش أحداث مختلفة جديدة غير إني المرة دي رحت لوحدي، واتقابلت مع المجموعة عند بوابة الوادي بس انسحبت من أول الطريق اللي قرروا يمشوا فيه لأنه كان كله منحدرات وانا كنت مش بكامل طاقتي عشان جاي بالعجلة

المهم مشيت أنا لوحدي في الطريق المعتاد جوة الوادي، والمرة دي وصلت لغاية آخره

داخل الوادي، صورت نفسي بنفسي

رحلة لوادي دجلة

دي مش أول مرة أروح وادي دجلة، بس المرة دي تميزت عن غيرها بالآتي:

1- أخيرا مانسيتش أشحن بطارية الموبايل بتاعي -أبو كمرة- وبالتالي عرفت أصور براحتي من غير أي قيود.
2- لأول مرة أروح بالعجلة، كل المرات اللي فاتت كنا

أنا أوبونتو

(أوبونتو .. عندما تهب رياح الحرية من القارة السوداء)

أخيرا *... عرفت أسطب اللينكس علي جهازي

إمبارح سطبت لينكس إصدارة أوبونتو، اللي فعلا أكتر من رائعة، معرفش إن كانت هي الأفضل تقنيا ولا لأ، بس الشعبية اللي بتتمتع بيها هي أفضل ما فيها ، أي مشكلة وقعت فيها، تأكد إن مئات من الناس وقعوا فيها برضه، وتأكد إن عشرات من الناس تمكنوا من حل المشكلة ونشرها علي المنتديات

كانت لي تجربة فاشلة في عام 2003 مع نظام التشغيل "ماندريفا" كان اسمه

الطريق إلي السخنة

لفترة طويلة كان أحد أحلامي هو السفر للسخنة بالعجلة، وأخيرا الحلم اتحقق، تم الاتفاق مع أصدقائي اللاسعين زيي علي السفر مسافة 60 كم من السويس للسخنة بالعجل.... بالنسبة لهواة أعتقد المسافة دي كويسة قوي، تفاصيل الرحلة كانت كما يلي :

أعضاء الرحلة: مهند جلال، مصطفي حسين، أحمد بركات و أنا (أحمد علي)

اتجمعنا حوالي الساعة 5:30 امام بوابة نادي الشمس من جهة ش جسر السويس، وانطلقنا بعدها علي محطة القطار وانتظرناه لغاية الساعة 7:00 تقريبا، وانطلق القطار علي السويس

(الاستعدادات النهائية في محطة القطار)

في بداية الطريق، القطر بيعدي علي كام مقلب زبالة من اللي قلبك بيحبهم، أعتقد إن أثر "المقلب" واضح علينا تماما... بس الحمد لله ، بعدها دخلنا في الصحراء والطريق بدأ يتحسن، ولما الليل دخل، الجو كان تحفة

(من اليمين إلي اليسار مصطفي وأحمد بركات، ريحة الخنفري عاملة عمايلها)

اللي سافر قبل كده بالقطر الشعبي (بكسر الشين) بتاعنا ده أكيد عارف إن مفيهوش

خواطر سريعة

في شوارع المحروسة ، إذا زمجر لك أحدهم ببوق سيارته، فاعلم أنه الآن قد وجد مبررا جيدا لدهسك
**************************
كان دائم التفاخر بأنه من الجيل الذي تعلم الصنعة علي أيدي الخواجات
**************************
ثمة اتفاق مبرم بين الطلاب والأساتذة، ينص علي أن يتظاهر الطلبة بأنهم فهموا، في مقابل أن يتظاهر الأساتذة بأن طلابهم يستحقون النجاح.
**************************
كانت رقيقة ورومانسية في الفيلم إلي حد لا يوصف، يجعلك لا تصدق أنها اختلفت مع المنتج علي مكان اسمها في الأفيش
**************************

هل تعلمون النهاية المألوفة لمعظم قصص الحب في مصر، أن ترتبط حبيبتك بآخر لأنه جاهز ... أخشي أن أكون أنا هذا "الجاهز" يوما ما

**************************

Undo

ليت الحياه في الواقع كانت مثلها علي الحاسوب، حيث نستطيع التراجع عن كل خطوة اتخذناها

.... كثيرة هي المواقف التي كان الضغط علي CTRL + Z وحده كفيل بحلها

Ride Ali ... Ride

I Really love this quote from Forrest Gump the movie, I like to replace the word "run" with "ride", I wish I make something similar some day.

" That day, for no particular reason, I decided to go for a little run. So I ran to the end of the road. And when I got there, I thought maybe I'd run to the end of town. And when I got there, I thought maybe I'd just run across Greenbowl County. And I figured, since I run this far, maybe I'd just run across the great state of Alabama. And that's what I did. I ran clear across Alabama. For no particular reason I just kept on going. I ran clear to the ocean. And when I got there, I figured, since I'd gone this far, I might as well turn around, just keep on going. When I got to another ocean, I figured, since I'd gone this far, I might as well just turn back, keep right on going. When I got tired, I slept. When I got hungry, I ate. When I had to go... you know... I went."

هنا ورشة التجهيزات

من الذكريات الطريفة في الوردية الليلية، في يوم تم تغيير أماكن مفاتيح النور، وكنت فاكر ان الكهربا بايظة في المكتب، ففضلت في المكتب طول الليل في الظلام،الصراحة ده كان أفضل عشان الناموس، وأنا قاعد لقيت جرس التليفون بيرن، وكانت حاجة غريبة، لأن مفيش حد في الإدارة كلها إلا أنا وبتوع الأمن علي البوابة ، رفعت السماعة متوقع الأمن بتاع البوابة و.... ألو، مفيش أي رد، غير الخرفشة الاستاتيكية المعتادة في التليفون العتيق بتاعنا، رحت قافل الخط وقلت أكيد هايتصل تاني، وبالفعل التليفون رن تاني وبرضه محدش بيرد إلا الخرفشة، قلت مابدهاش رحت نازل أشوف بتاع الأمن اللي عمال يستظرف ده، نزلت وسألته ، قاللي

جامع السلطان حسن

الصورة اللي فوق دي من أجمل الصور اللي صورتها في حياتي، والأجمل من كده إني مكنتش في جولة سياحية ولا حاجة، كنت رايح عند خالي اللي ساكن في الدرب الأحمر، ودخلت