أوعدك يامصر إني مش هاتحرش بأي بنت تاني مع إني مكنتش بتحرش ولا بعاكس قبل كده.
أوعدك يامصر مش هاخد رشوة تاني مع إني عمري مااخدت رشوة أساسا.
أوعدك يامصر مش هسرق ولا هقتل ولا هطرطر في الشارع تاني أبدا.
اوعدك يامصر امسك مقشتي وجاروفي ولن أتهاون في الحفاظ عليكي جميلة ومتطورة ونظيفة.
أوعدك يامصر إني لو مدرس هاركز في مدرستي ومش هدي دروس خصوصية تاني حتى لو بعد الثورة مرتبي زي ماهو.
أوعدك يامصر إني لو عامل مش هعمل إضراب وهانجز شغلي على أكمل وجه واطلب زياده مرتبي من صاحب الشركة بالذوق ولو مارضيش مش هبوظ اقتصاد بلدي وهحط جزمة في بقي واعيش زي ماكنت قبل الثورة.
أوعدك يامصر إني لو طالب هذاكر محاضراتي كويس، واحاول اتكيف مع التعليم الفاشل ولو حاجة ماعجبتنيش هكتب شكوى زي ماكنت بعمل قبل الثورة ورئيس الجامعة اللي لسه ماتغيرش له الحق في تجاهلها كالعادة، كله يهون يامصر عشان الاستقرار.
أوعدك يامصر إني مش هستغل الفرصة وابني على الأرض الزراعية ولا هاسكن في عمارات مخالفة رغم اني عاوز اتجوز ومش لاقي شقة تلمني.
أوعدك يامصر إني هتعاون مع الشرطة لما تنزل، واللي أكيد معاملتها هاتتغير بعد ما الجيش اداها كلمتين في جنابها وقالها ماتعمليش كده تاني.
أوعدك يامصر إني مش هصدق الإعلام المغرض تاني وهسمع كلام جيشنا العظيم اللي فضل يتفرج 30 سنة على الانتخابات وهي بتتزور والشعب وهو بيعاني ومااتحركش غير لما قامت الثورة، وحيا الشهداء والثوار ولسه معتقل مئات من زمايلهم اللي كان ممكن يكونو مكانهم.
أوعدك يامصر مش هاخد رشوة تاني مع إني عمري مااخدت رشوة أساسا.
أوعدك يامصر مش هسرق ولا هقتل ولا هطرطر في الشارع تاني أبدا.
اوعدك يامصر امسك مقشتي وجاروفي ولن أتهاون في الحفاظ عليكي جميلة ومتطورة ونظيفة.
أوعدك يامصر إني لو مدرس هاركز في مدرستي ومش هدي دروس خصوصية تاني حتى لو بعد الثورة مرتبي زي ماهو.
أوعدك يامصر إني لو عامل مش هعمل إضراب وهانجز شغلي على أكمل وجه واطلب زياده مرتبي من صاحب الشركة بالذوق ولو مارضيش مش هبوظ اقتصاد بلدي وهحط جزمة في بقي واعيش زي ماكنت قبل الثورة.
أوعدك يامصر إني لو طالب هذاكر محاضراتي كويس، واحاول اتكيف مع التعليم الفاشل ولو حاجة ماعجبتنيش هكتب شكوى زي ماكنت بعمل قبل الثورة ورئيس الجامعة اللي لسه ماتغيرش له الحق في تجاهلها كالعادة، كله يهون يامصر عشان الاستقرار.
أوعدك يامصر إني مش هستغل الفرصة وابني على الأرض الزراعية ولا هاسكن في عمارات مخالفة رغم اني عاوز اتجوز ومش لاقي شقة تلمني.
أوعدك يامصر إني هتعاون مع الشرطة لما تنزل، واللي أكيد معاملتها هاتتغير بعد ما الجيش اداها كلمتين في جنابها وقالها ماتعمليش كده تاني.
أوعدك يامصر إني مش هصدق الإعلام المغرض تاني وهسمع كلام جيشنا العظيم اللي فضل يتفرج 30 سنة على الانتخابات وهي بتتزور والشعب وهو بيعاني ومااتحركش غير لما قامت الثورة، وحيا الشهداء والثوار ولسه معتقل مئات من زمايلهم اللي كان ممكن يكونو مكانهم.
