الخميس، يناير 08، 2009

نشاط مثير للملل


هناك أناس يعانون من حالة مرضية من النشاط المفرط علي الفيس بوك، أدخل إلي حسابي يوميا لأجد كل الأخبار متعلقة به:

...... زعبلة علق علي الصورة بتاعة نفيسة قائلا: "ايه الحلاوة دي !"
...... زعبلة يدعوك للاختبار النفسي "انت مين من الحيوانات ؟"
...... حسين عمل تاج لـزعبلة في ألبوم "أيام الشقاوة".

هناك 16 تعليقًا:

  1. They should get out of the house more :)

    ردحذف
  2. I think they should rather get out of my friends list
    :-)

    ردحذف
  3. أكيد اضافتك ليهم
    was a big mistake (:

    أنا أصلا مكنتش بحب الفيس بوك و مش شايفه انه الوسيله الأولى للتواصل و لا حاجه بس اللى خلانى اشترك جروب كليتنا عليه و فيه جروب لمجموعه نشاط عندنا اسمها ال mufix متابعاه برضه

    بس برضه الواحد ما بيسلمش من الكويزز و طلبات الحب و الصداقه (:

    ردحذف
  4. لا الصراحة يا دعاء أنا مختلف معاكي، الفيسبوك وسيلة اجتماعية جامدة جدا لبعض (مش كل الأغراض).

    والله يابنتي أنا مش بتضايقني الfeeds اللي بتجيلي كل شوية من الناس، بس اللي بيضايقني هي انها تجيلي من شخص واحد فقط، علي الفاضي والمليان.

    ردحذف
  5. بالنسبه لسؤالك
    تغير البانر يعنى قصدك تحط صوره فى الهيدر مش كده برضه ؟؟
    على العموم هجاوب على الاساس ده
    انا حصلت معايا نفس المشكله ان الصوره مش راضيه تتظبط مهما عدلت فى مقاساتها رحت مريحه دماغى و شلت جزء الكود بتاع الهيدر من كود ال html بتاع البلوج اللى هو بين header وheader/ ... هتلاقى بلوجر بيطنططلك و يقولك انت بتمسح عناصر واجهه مستخدم و حاجات كده طنشه و امسح على ضمانتى (:
    لما تعمل الحركه دى هتلاقى الجزء اللى فوق ده اتشال و جزء الكتابه طلع لزق فى عنوان البلوج (:
    ساعتها تروح لعناصر الصفحه و ترفع الصوره من مكان رأس الصفحه ( هتلاقيه لسه موجود ما اتشالش ) و تظبطها زى ما انت عاوز بقه مش على مقاس معين
    لو تلاحظ الحته الشمال الفاضيه اللى عندى فوق شمال دى (: دى عشان شايله الهيدر و حاطه الصوره يمين فوراها فراغ ...
    يا رب يكون ده قصدك و يا رب تنفع معاك (:
    سلامات

    ردحذف
  6. ولاااااااااااا اديك امارة انا ولله الحمد بصمجية كبيرة فى الفيس بوك واحدى قيادات الجهل وسادته فى الحوار بتاع الفيس بوك دة...صعب ومكلكع ودوشة وزحمة ولخبطة وحاجة تجيب صداع

    ردحذف
  7. دعاء,

    أنا عملت اللي قلتي عليه، وفعلا الصورة طلعت كويسة، بس حصل مشكلة إن كل الـ gadgets اللي حاططها بقت في الشمال بدل اليمين. وبالتالي يعود الحال لما هو عليه حتي إشعار آخر
    :-(

    انجي,

    عادي بتحصل، بس علي فكرة هايفوتك كتير، اعملي لنفسك حساب وصدقيني مش هاتندمي، المهم انك ماتسجليش عندك حد ممل زي.... "زعبلة" :-)

    ردحذف
  8. السلام عليكم ورحمة الله وبركاته

    اظن الفيس بوك معمول اصلا علشان كدا علشان النشاط الزائد يخرج في حاجات زي ديه

    بس في نفس الوقت هو مكان ممكن جدا نستخدمه للدعوة الي الخير لانه مكان بيجمع الكثير وفي كل الاعمار والشاطر اللي يستخدم الجزئيه ديه ويبدا يغير ويرشد الناس الي ما في صلاح لهم

    يا ريت الكل يطلع النشاط دا في اشياء ياخد منها حسنات وترضي ربنا عنا


    جزيت خيرا

    تقبل مروري


    غربتي

    ردحذف
  9. شكرا علي المرور يا أخت "غربتي"

    عندك حق، أنا من ضمن الناس اللي استفادت من الفيسبوك جدا في النقطة دي.

    أنا مش عايزك تفتكريني ببالغ لو قلتلك إن الفيسبوك اضاف إلي شخصيتي كتير، وعرفني بناس استحالة كنت أعرفهم غير عن طريقه.

    ردحذف
  10. بررررضه حصلتلى (:
    بص انت تسيف الكود زى ما هو ما تخافش هتلاقيها راحت يمين مش مشكله و بعدين روح الصفحه بتاعه الخطوط و الألوان هيفتح لك البلوج كأنها يمين زى ما سيفتها ... استنى عليه شويتين لما يحمل هتلاقيه رجعهالك شمال لأن ديفولت التمبليت شمال ... تروح عامل حفظ للتغييرات و ترجع تفتح البلوج هتلاقيها رجعت شمال (:
    عن تجربه و الله جرب تعملها ان شاء الله هتشتغل

    ردحذف
  11. فعلا الشخصية المشابهه لزعبلة دي منتشره جدا

    ودي من اهم اسباب عدم انتظامي في متابعة الفيس بوك رغم اشتراكي فيه من زمان ولي اكتر من جروب ومشترك في جروبات كتيره جدا

    بس بشكل عام هو نفسيا مش مريح مش عارف ليه والله كده

    واحب اعرف حضرتك حاجة عن الفيس بوك انا عرفتها من فترة

    وخي ان الفيس بوك بيحتفظ بنسخه احتياطية كاملة على سيرفرات خاصة جدا من جميع ملفات المستخدمين عبر العالم اجمع من صور وبيانات واخبار وخلافه

    وتزويد اجهزة المخابرات العالمية بها أولا بأول ..وللديل على ذلك انه كانت هناك شكاوى من الاتحاد الاوروبي للولايات المتحدة بشأن هذا الموضوع المتعلق بذاك الموقع الشهير


    وانه كما تعلم اخي الكريم فأجهزة المخابرات كل معلومة مهما كانت تافهه اوبسيطة او عادية بالنسبة لها كنز ثمين من خلاله تنسج الخطط والاستراتجيات

    هذا والله اعلم

    عموما سعيد جدابزيارتي لمدونتك الرائعه

    تقبل تحيتي

    ردحذف
  12. لازم تعرف يا معلم إن مفيش حاجة ببلاش، مواقع البحث، مقدمي خدمة بريد الوب المجاني .. حتي بلوجر اللي احنا بنتكلم عليه ده بيتاجر في المعلومات بتاعتك، ودي حاجة طبيعية، يا إما كل واحد فينا هايبقي آخر كل شهر مطالب يدفع الاشتراك بتاع الإيميل والمدونة ومواقع البحث .. الخ.

    بس الموضوع مش بهذا السوء ياعزيزي، العالم دلوقتي بقي قرية صغيرة، واللعب بقي علي المكشوف.

    عموما، متشكر قوي علي زيارتك، وما تتصورش ببقي مبسوط قد ايه لما حد يكتبلي تعليق :)

    ردحذف
  13. ناس فاضيه
    أنا عن نفسي مش بحب الفيس بوك
    ولا مشترك فيه
    ومظنش إني حشترك في القريب

    تحياتي

    ردحذف
  14. يبقي هايفوتك كتير يا شقيق، أنصحك تجرب، ومش هاتخسر حاجة.

    ردحذف
  15. آه معاك حق فعلا .. الناس بقت عندها فضا
    المشكلة الأكبر كمان إن البنات فجأة اكتشفوا إنهم نجمات سينما أو مطربات وكل واحدة بقت تعمل لنفسها ألبومات كتيييير بأوضاع غريبة بجد ..
    ربنا يهدي

    ردحذف
  16. فعلا، موضوع "الأوضاع الغريبة" ده أنا لاحظته جامد في الفترة الأخيرة :-)

    ردحذف