استخدمت برنامج أنيمي ستوديو Anime Studio في الرسم والتحريك.
الجمعة، أغسطس 14، 2009
طراطير
مش عارف هاكمل الأغنية كلها ولا محتاج أبدأ بحاجة أبسط شوية، بس في كل الأحوال الموضوع محتاج وقت وشغل كتير، فقلت أنشر الـ 17 ثانية اللي عملتهم وربنا يسهل في الباقي.
الاشتراك في:
تعليقات الرسالة (Atom)
ملحوظة:
ردحذفمش عايز تريقة :)
ايه داااااااااااااااااااااااا
ردحذفتحفة بجد اجبرتنى ابتسم وانا مش عايزة ابتسم
بقالى كذا يوم بحاول اشوفها بس النت عبيط جدا بس النهاردة وافق يورينى التحفة دى
حلوة اوى يا بشموهندش بجد والله الله ينور عليك
متشكر يا إنجي
ردحذفأحد أسباب نشري للفيديو الغير مكتمل هو طلب التشجيع من الناس، يمكن أكمله يوما ما.
أنا كمان أبتسمت دمها خفيف
ردحذفعلى فكرة الحاجة اللى تجبرك أنك تبتسم بالنسبة لى أفضل من اللى تضحكنى
و بالنسبة لموضوع المترو أفتكرت جملة
أن خط المترو هو الوحيد اللى ممكن من خلاله تعرف مين اللى هايجى بعد حسنى مبارك
شكرا يا ابو حميد
ردحذفوالله انتو شكلكم كده هاتطلعوها في دماغي أكمله :-)
طبعا تحفة جدا وانا عن نفسي مستنية بقتها انا شفت ولد رسام من حوالي كام ساعة وبصراحة ابهرتني لدرجة لا توصف بجد انا بحيك على فنك وابداعك واشكرك انك اظهرتهم وامتعتنا بيهم مع تحياتي نغم
ردحذفأحمد علي باشا
ردحذفمش تقول إنك انت اللي عامل ولد رسام ؟
انا بعملها دلوقتي فيديو كليب كارتون ، تقريبا أول دقيقة
المهم حد ضايقك بخصوص حقوق الملكية الفكرية ؟
تحياتي البالغة
بالنسبة للسبعتاشر ثانية
ردحذفشغل جميل جدا والتوقيت مظبوط
انا عارف إن الشغل متعب لو شخص واحد بس هو اللي عمل كل حاجة بس بنفس فكرتك دي كان فيه تصور تاني صعب
نفس البانل الأولى وبعدين زوم أوت على الراجل اللي بيزمر وعليه سبوت لايت والخلفية ضلمة ، الطبال نفس الحكاية يتفتح له سبوت لايت والقانونجي لحد ما المسرح كله ينور وتقلب بفرح بلدي وهيصة :) متعبة بس ممكن نعملها !
ازيك يا دكتور
ردحذف"للأسف" محدش ضايقني بخصوص الملكية الفكرية، كنت متخيل إني هابقي مشهور، ومحمود العسيلي يطلع في التليفزيون يقول مش هاسيبك يا احمد يا علي والبلية تلعب معـ...ما علينا:)
مشكلة الأفكار الصعبة هي إنك يا إما تعملها بضمير وتطلع شغل كويس بس زي ماانت قلت بتاخد وقت ومجهود جامد، يا إما تقلبها وتعمل حاجات هطلة زي السندباد بتاع التليفزيون المصري.
أنا كنت كاتب شوية أفكار تانية لـ"طراطير" ممكن أبعتهالك لو تحب.
تمام ، نشتغل عليها
ردحذفانا حكتب بوست قريب عن فن الرسوم المتحركة في مصر ابقى اقراه
على فكرة ممكن تعمل الكليبات انيماتيك زي ما عملت مع ولد رسام
مش محتاج تحريك ، ممكن بربشة عين تخلق حركة في الكادر
الأنيماتيك هي ستوري بورد بتتعرض كادراتها ورا بعض ، كإنك بتحكي القصة على شرائح مصورة
انا شغال في الكليب دلوقتي وربنا يسهل ، على الأقل اول كوبليه وبيتعاد بصوت بشرى يبقى كتر ألف خيري :) بالنسبالي ممكن تحصل مشكلة وانا مش فاضي للكلام ده فحكتب إهداء لمحمود العسيلي
دورت على الايميل بتاعه أو تليفونه مش لاقي ، شكلي حكلم حد من زملاء الصحافة بتوع زمان ، عاوز أستأذن الراجل الأول :) تحياتي البالغة
3ala fekra gamda gidan :)
ردحذفانا انا عملت دقتين من أغنية ولد رسام يا ريت تشوفها وتقوللي رأيك
ردحذفhttp://www.youtube.com/watch?v=SGxUyc41fCo