الاثنين، يوليو 28، 2008

بقيت من ذوي اللابتوبات


يوم الخميس اللي فات اشتريت لابتوب، وعملا بالمثل "علي قد لحافك مد رجليك" اشتريت موديل acer extensa 5220 اللي يعتبر أرخص -وأحقر- جهاز موجود في السوق حاليا.

السعر 2850 جنيه وعليه هدية اشتراك نت بما يعادل
150 جنيه في شركة IM

زي ما قريت، كارت الشاشة امكانياته ضعيفة ، جربته علي لعبة Pro Evolution Soccer 6 وكان الأداء مش قد كده.

الصوت واطي، وسيئ جدا، دي اللي غاظتني قوي، لأن -علي حسب معلوماتي- تكنولوجيا الصوت مش مكلفة قوي زي الجرافيكس.

الكمبيوتر شكله الجمالي معقول، يعني أحسن من سلسلة Aspire اللي رخيصة برضه بس تصميماتها عاملة زي الأتاري اللعبة اللي بيتباع في العتبة.

علي الجانب الآخر، الجهاز رخيص جدا، البطارية بتقعد حوالي ساعة ونصف شغالة علي نسبة السطوع Brightness المتوسطة، مساحة الهارديسك 120 جيجابايت، معقولة جدا جدا، أربع مخارج USB، كاميرا ويب مدمجة، دي في دي رايتر.


هناك 18 تعليقًا:

  1. مبروك يا ريس وتدوبة فى عرق العافية
    بس خللى بالك اللاب توب اعطالة كتير انما على مين دة انتا باشمهندس

    ردحذف
  2. امممممممممممممم هو انت ليه مصمم انى احقد عليك لحد ما اجيبك الارض؟؟؟؟؟
    عموما هاحاول ما احقدش واغل فى نفسى قوى يعنى ايه يعنى لاب توب؟؟؟؟
    مش مهم خاااااااالص....انا بهزر على فكرة .......
    مبروك والله من قلبى يا باشمهندس يارب يطرح لك فيه البركة و يبعد عنه عيون الحقد ... مبروك عقبال ما تجيب اسمه ايه دة اللى هو كويس يعنى وحلو ومايكونش حقير ولا حاجة

    ردحذف
  3. صباح الصباح

    "مبروك يا ريس وتدوبة فى عرق العافية"
    ده علي أساس إني اشتريت شراب جديد :-)

    عموما شكرا يا ريس، وعقبال مانشيل "لابتوبك"

    إنجي

    "امممممممممممممم هو انت ليه مصمم انى احقد عليك لحد ما اجيبك الارض؟؟؟؟؟"
    أنا لو حصلي أي حاجة في المستقبل القريب هاكون متأكد تماما من مصدر الإشعاع :-)

    ردحذف
  4. طيب ايه اخبار الرامات والبروسيسور

    ردحذف
  5. الرامات 512 ميجا، والبروسيسور سيليرون 2 جيجا هرتز

    ردحذف
  6. مبرووووك عليك يا سيدى
    أنا عارفه انك متعرفنيش خالص بس مفيش مانع تبقى تديهولى لفه :)
    الف مبروك و مش لازم يعنى تلعب كوره :)
    بس حته الصوت دى تغيظ فعلا

    ردحذف
  7. "أنا عارفه انك متعرفنيش خالص بس مفيش مانع تبقى تديهولى لفه :)"
    - اتفضلي وبلاش أنا :-)

    "الف مبروك و مش لازم يعنى تلعب كوره :)"
    - إلا دي، هو الكمبيوتر يبقي كمبيوتر من غير كورة :-)

    ردحذف
  8. مبروك عليك اللاب توب وعقبال ما تجيب احدث اداء
    معلشى بقى سؤال صغنون
    انا عندى LG
    ومش بيوصل نت دلوقتى بيشتغل اى حاجه غير انه مش بيوصله نت اعاااااااا
    تيجى نبدل بقى وارحمك من كارت الشاشه

    ردحذف
  9. مفيش مانع، أهو الواحد يحطه في الصالة بدل مايجيب حوض سمك

    ردحذف
  10. يا سااااتر

    السلام عليكم ورحمة الله وبركاته


    أنا قرأت البوست ده امبارح وبعدها نمت

    حلمت إن أخويا جابلي لاب توب Acer

    مع إني نفسي أجيب اتش بي

    لا بقي وكان جمبي ع السرير كده

    بس من غير الشنطة

    وكنت عمالة أقول أنا معيش غير 25 ج وعايزة اشتري شنطة اللاب توب

    واللي يخض أكتر

    إن اللاب توب كان ب 2850 ج

    وأنا بقي رايحة أزن ع والدتي علشان تسحبلي 2000 ج وأغير اللاب توب وأجيب أحسن


    ع العموم ألف مبروك مع إنها جات متأخرة


    وعقبال ما تجيب ابل

    ملحوظة . . أنا نفسي في لاب توب من وأنا في 3 ع

    ردحذف
  11. يعني يوم ما تحلمي تحلمي بـ Acer

    مادام الحلم ببلاش إحلمي بتوشيبا مثلا :-)

    "3 ع" دي اللي تالتة إعدادي .. صح؟

    _____________

    علي فكرة أسعار اللابتوب دلوقتي نزلت عن الأول لو لسه بتفكري في الموضوع.

    ردحذف
  12. أنا اعمل ايه

    حضرتك لو كنت جبت توشيبا . . كان زماني حلمت بيه

    ياللا بقي الله يسامحك

    بس فرحت أووووووي في الحلم

    ههههههههههه قعدت النهاردة ومش روحت الجامعة وقولت احوش مصروفي

    اخويا قاللي هتشتري اللاب توب ولا ايه


    قولتله لا . . هكمل علشان اجيب الشنطة


    :)

    ردحذف
  13. "حضرتك لو كنت جبت توشيبا . . كان زماني حلمت بيه"

    ههههه حلوة بجد :-)

    ____________________

    بالمناسبة، أنا المفروض أشكرك شكر خاص علي كل تعليقاتك، أنا أول مرة حد يعلق في مدونتي بالكثافة دي.

    ردحذف
  14. ههههههههههه

    ما أنا بقولك أول مرة أعلق ع مدونة حد

    ما أنت مش أي حد

    أنت جبت اللاب وفيه نت كمان :)
    وعملت الكليب
    ومعاك العجلة

    متقلقش . . ربما أوصلك يوما

    يا قوووووووووووي

    ردحذف
  15. بس تصدق

    عجبتني البلوج بتاعتك

    ردحذف
  16. Can u write ur E-mail here

    bcz wanna 2 say something 2 u

    just Misunderstanding


    waitin 4 reply

    ردحذف
  17. ummmmmm

    عملت بتاع ع gmail وكده بس مش عارفة ايه نظامه

    عملت ادد وكده

    بس ماله الهوتميل

    أنا مش فاهمة حاجة :)

    ردحذف