نشاط مثير للملل

هناك أناس يعانون من حالة مرضية من النشاط المفرط علي الفيس بوك، أدخل إلي حسابي يوميا لأجد كل الأخبار متعلقة به:

...... زعبلة علق علي الصورة بتاعة نفيسة قائلا: "ايه الحلاوة دي !"
...... زعبلة يدعوك للاختبار النفسي "انت مين من الحيوانات ؟"
...... حسين عمل تاج لـزعبلة في ألبوم "أيام الشقاوة".

حديث غزة

عفوا أهل الحديث

غالبا ما أقرأ ردود أفعال القراء الغاضبين تجاه كل ما يكتب المفكر جمال البنا بشأن مسألة تنقيح الأحاديث النبوية مما علق بها، وهو إن دل، فعلي مدي سيطرة الفكر الأصولي علي عقل شريحة كبيرة جدا من الشعب المصري نتيجة غياب البديل الديني الـ....... الخ الخ الخ.

أعذر المدافعين عن السنة من العامة، لأن حدود معلوماتهم بها تقف عند "بني الإسلام علي خمس ..." و "من كان يؤمن بالله واليوم الآخر..."

فهم لم يسمعوا بـ ".. يكشف ربّنا عن ساقه..."، ولا ".. فلطم ‏ ‏موسى ‏ ‏عليه السلام ‏ ‏عين ملك الموت ‏ ‏ففقأها..."

مع جيمب ... اللي يسأل مايتوهش

هذا هو أول عمل مكتمل لي في جيمب.. هو أول عمل فني مكتمل علي الإطلاق، ليس الأمر بهذه الصعوبة التي كنت أظنها، كل ما فعلته هو رسم الشخصية علي ورقة بيضاء، ثم قمت بالتقاط صورة لها بكاميرا هاتفي المحمول (لا أملك ماسحا ضوئيا)، وأعدت رسم الشخصية في جيمب مستعينا بالصورة التي التقطتها.

فيديوهات الشرح من meet the gimp ويوتيوب ساعدتني كثيرا علي تعلم البرنامج، استغرق التعلم حوالي

أمسية شعرية

بالرغم من تذوقي للشعر وإعجابي بالكثير من الأبيات، إلا أني -إلا فيما ندر- لا أطيق قراءة أكثر من صفحة متصلة من الشعر، خاصة الشعر الحر الغير مقفي.

أعتقد أنه يمكن لأي شخص عادي كتابة الشعر الحر، فقط كل ما عليك هو أن تدون أفكارك بشكل نثري، ثم قم ببعثرة الكلمات عبر السطور، ليحوي كل سطر كلمتين أو ثلاث، مع القليل من علامات التنصيص (خاصة النقاط)، وحبذا لو أضفت بعضا من عناصر الطبيعة (الشمس والبحر..الخ)

فلنقل أني أريد الكتابة عن "شارع فيصل" مثلا، ستكون النتيجة:

خواطر مفتوحة

هذه الأيام تسيطر علي بعض من الأفكار لم أستطع دفعها لإنجاز أعمالي المتأخرة:

1- أنا في حالة غرام تام بـ جنو/لينوكس، أحاول استكشاف هذا العالم الجديد، أسعي إلي التوغل فيه بشكل أعمق من المرات السابقة.

2- مقال أثر في كثيرا عن تعرض اللغة العربية للانقراض، المقال يحوي أدلة منطقية ولا تغلب عليه العاطفة كما هي العادة في أغلب ما يكتب في هذا الصدد. اقرأ المقال>>

شاهد هذا الإعلان من شركة IBM، هو أفضل فيديو دعائي شاهدته عن لينوكس علي الإطلاق:

أوبونتو من جديد

باقي من الزمن 6 أيام علي طرح النسخة الرسمية من أوبونتو، يارب يكونوا صلحوا مشكلة النت واللي خليتني أشيله من علي جهازي للأبد.

بانتظار الإصدار الجديد بفارغ الصبر، ودي هاتبقي تقريبا المرة العاشرة اللي أسطب فيها اللينكس بعد ماكون قررت عدم العودة إليه نهائيا، أعمل ايه..... بحبه.

الغروب في وادي دجلة

يوم الجمعة 17 اكتوبر2008: رحلة سريعة لوادي دجلة أول رحلة بتنظيم مجموعة رحالة علي الفيس بوك

أنا حطيت الصورة دي عشان ماحدش يفتكر إني انطوائي وبكره الناس ولا حاجة لا سمح الله
مع إن الواحد برستيجه ضاع في الصورة دي خالص
(حقوق النشر محفوظة لـ حسام مختار مؤسس جروب "رحالة")

علي باب الحمام.. الرأي.. والرأي الآخر

الجامع الأزهر

يوم الخميس اللي فات، كنت في انتظار أحد أصدقائي داخل الجامع الأزهر في القاهرة، صديقي ده اتأخر عن ميعاده بساعة تقريبا، بس أنا ماكنتش متضايق قوي لأكتر من سبب: الأول، هو إن أنا كنت بالفعل جاي متأخر عن الميعاد بس حظي إني وصلت قبله ، والثاني، هو إن القعدة جوة الجامع ممتعة لأبعد حد، جو الجامع من جوة تحفة: العمارة الإسلامية الرائعة، صحن* الجامع الواسع اللي الهوا فيه يرد الروح ، منظر الأطفال الصغيرة وهم بيجروا ورا بعض علي الأرضية الرخام البيضاء.

المهم، صاحبكم كان مزنوق، قلت أدخل الحمام، وجوة لقيت المنظر الظريف ده:

أول برنامج ليا

أول برنامج أعمله في حياتي من الأول للآخر لوحدي بفيجوال بيسيك 6 ، الصراحة البرنامج علي صغره تمكن من إشباع رغباتي الجامحة في البرمجة، أنا كنت خلاص، هابرمج علي روحي.

البرنامج صغنطوط بس مفيد في الشغل بتاعنا، وحاز علي إعجاب زملائي في الشركة.

جُنينة الحيوانات

أول امبارح اضطريت أغيب من الشغل عشان أخلص شوية ورق ليا في التأمينات، رحت بعدها علي الجامعة للاستفسار عن بعض الدورات التدريبية، واللي مايعرفش، حرم كلية هندسة القاهرة ملاصق لجنينة الحيوانات، أنا فاكر أيام الدراسة كنا أول من يعلم بإضافة "السباغ" لأراضي الجنينة.

فيه كده أوقات ذهبية لازم نقتنصها لأنها مش بتتكرر كتير، زي الشتاء عشان تسافر اسكندرية، وموسم الامتحانات عشان تتمشي في وسط البلد، و "رمضان" عشان... تتفسح في جنينة الحيوانات. عشان كده

يوم ويكيبيديا العربي

بدأت أمس فعاليات يوم ويكيبيديا العربية الرابع

الهدف من يوم ويكيبيديا العربية هو زيادة وتنمية عدد المقالات المكتوبة في النسخة العربية من موسوعة ويكيبيديا، وبالتالي كان المستهدف من اليوم هو كل من يستطيع الكتابة باللغة العربية في جميع أنحاء العالم، إلا أن المتابع لأحداث اليوم يلاحظ

من الأسكندرية ... لايف

من مكتبة الأسكندرية أكتب هذه المقالة:

البداية

الرحلة بدأت بدعوة عملها جروب علي الفيس بوك لمحبي موسوعة الويكيبيديا، علي اساس نعمل ورشة عمل لنشر فكرة الويكي وتعليم طريقة التحرير، مكان الورشة كان في كلية الهندسة - جامعة الأسكندرية، رحت متأخر عن الميعاد ساعة تقريبا، ومتوقع هلاقي الناس اتجمعت وبدأت.

التنظيم كان أسوأ ما يكون: الدعوة كانت قبل الحدث بأقل من 24 ساعة، مفيش وسيلة اتصال غير الإيميل، مفيش تنسيق مع الأمن علي البوابة، مفيش أي علامات إرشادية موجودة في مكان الحدث ،ومسك الختام، الراجل اللي كان معاه لابتوب يشرح عليه لم يحضر، وبالتالي مفيش Event من أساسه.

في كلية الهندسة - جامعة الأسكندرية بعد ما أخدت المقلب التمام

في الأسكندرية

كنت طول الطريق عمال أفكر في اسكندرية وصورتها في دماغي، الترام أبو دورين، التاكسي الأصفر في أسود، البحر، الفريسكا، مكتبة الأسكندرية، كوبري ستانلي. وكنت بسخر من تفكيري الساذج والصورة النمطية اللي في دماغي عن المكان، وبقول لنفسي

بقيت من ذوي اللابتوبات

يوم الخميس اللي فات اشتريت لابتوب، وعملا بالمثل "علي قد لحافك مد رجليك" اشتريت موديل acer extensa 5220 اللي يعتبر أرخص -وأحقر- جهاز موجود في السوق حاليا.

السعر 2850 جنيه وعليه هدية اشتراك نت بما يعادل

وادي دجلة 2

الجمعة اللي فاتت دي، 11 يوليو 2008 برضه رحت وادي دجلة، مفيش أحداث مختلفة جديدة غير إني المرة دي رحت لوحدي، واتقابلت مع المجموعة عند بوابة الوادي بس انسحبت من أول الطريق اللي قرروا يمشوا فيه لأنه كان كله منحدرات وانا كنت مش بكامل طاقتي عشان جاي بالعجلة

المهم مشيت أنا لوحدي في الطريق المعتاد جوة الوادي، والمرة دي وصلت لغاية آخره

داخل الوادي، صورت نفسي بنفسي